Description

આ પુસ્તક વિષે:

આ પુસ્તકમાં ભારતરત્ન અને બંધારણનાં ઘડવૈયા એવા ડૉ. બાબાસાહેબ આંબેડકરના સંપૂર્ણ સાહિત્યમાંથી અણમોલ વિચારોનો અનોખો સંગ્રહ રજૂ કરવામાં આવ્યો છે. આ પુસ્તક બાબાસાહેબની વિચારધારાને સમજવામાં મદદરૂપ સાબિત થાય તેમ છે સાથે તેમનાં સશક્ત વિચારો વાંચકોને અનોખી પ્રેરણા પણ આપશે.

પુસ્તકમાં આપેલા કેટલાંક વિચારરત્નો: * હું મોતથી ડરતો નથી, મોત મારાથી ડરે છે. * વાંચન એ જ જીવન છે. વાંચન વગરનું જીવન જીવન જ નથી. * ધર્મ મનુષ્ય માટે છે, મનુષ્ય ધર્મ માટે નહીં. * શિક્ષક રાષ્ટ્રનો સારથી છે કારણ કે તેના હાથમાં શિક્ષણની લગામ છે. * જીવન દુઃખ નથી, પરંતુ જીવનમાં દુઃખ છે અને તેનું નિરાકરણ પણ થઇ શકે છે. * ગુલામોને તેની ગુલામીનું ભાન કરાવી દો એટલે તે આપોઆપ બંડ પોકારી ઉઠશે. * હું કહું છું માટે આગમાં કૂદી ન પડો. મારી વાત તમે સાવધાનીપૂર્વક વિચારીને મારા આદેશોનું પાલન કરો. મારી પાછળ સમજી-વિચારીની આવો. આંધળી ભક્તિ મને પસંદ નથી. * શિક્ષણ એ વાઘણના દૂધ જેવું છે. જે કોઇ એને પીવે છે, તે ગર્જના કર્યા સિવાય રહેતો નથી. * કેટલાક લોકો કહે છે દેશ પહેલો અને ધર્મ પછી. કેટલાક લોકો કહે છે ધર્મ પહેલો અને દેશ પછી. પણ હું કહું છું કે દેશ પહેલો અને પછી પણ દેશ જ.